Հանդիպում ամերիկահայ գրող Հովսեփ Նալբանդյանի հետ

 Այսօր  Արագածոտնի մարզպետարանի նախաձեռնությամբ Աշտարակում էր հյուրընկալվել  ամերիկահայ գրող և մտավորական Հովսեփ Նալբանդյանը :  Նրան ուղեկցում էին բանաստեղծ , նկարիչ Արևշատ Ավագյանը, և ,,Դար,, հրատարակչության ղեկավար Վարդան Բաղդասարյանը: Գրողի հետ հանդիպումը կայացավ Աշտարակի Պ. Պռոշյանի անվան դպրոցում: Արագածոտնի փոխմարզպետ Նունե Մովսիսյանը ներկայացրեց Հովսեփ Նալբանդյանին , հաղորդեց տեղեկություններ նրա հրատարակած գրքերի մասին, և շնորհակալություն հայտնեց հանդիպման համար: Այնուհետև հեղինակը  պատմեց իր գրքերի , սփյուռքահայության, հայապահպանման խնդիրների մասին:   Նա մասնավորապես  անդրադաձավ սփյուռքում առկա խնդիրներին, ներկայացրեց սփյուռքահայության ուծացման վտանգի, հայոց լեզվի մոռացման, հայկական դպրոցների փրկության և պահպանման մասին իր մտահոգությունները: Continue reading

ԱՅՑԵԼՈՒԹՅՈՒՆ ԱՇՏԱՐԱԿ ՀԱՄԱՅՆՔԻ ՀԱՅՐԵՆԱԿԱՆ ՄԵԾ ՊԱՏԵՐԱԶՄԻ ՎԵՏԵՐԱՆՆԵՐԻՆ

Աշտարակի քաղաքապետարանը մայիսի 9-ի՝ Հաղթանակի և խաղաղության տոնի կապակցությամբ այս տարի ևս կազմակերպել էր անակնկալ այցելություն Աշտարակ համայնքի Հայրենական Մեծ պատերազմի վետերանների տարեց տարի շարքերը նոսրացող արդեն 3 վետերանի՝ Շուշիկ Գրիգորյան, Խաչատուր Եղոյան, Արտյոմ Սահակյան :

Քաղաքապետ Արմեն Անտոնյանի կողմից շնորհավորական ուղերձ էր հղվել նրանց, որում մասնավորապես ասվում էր <<Շնորհավորում եմ Ձեզ մայիսի 9-ի՝ ՀայրենականՄեծպատերազմի  փառապանծ հաղթանակի 70-ամյակի կապակցությամբ: Ձեր կերտած պատմական հաղթանակով մենք դաստիարակվել ու համակվել ենք ազգային ոգու ևարժանապատվության նվիրական նոր զգացումներով, որոնցով արմատավորվում են բախտորոշ հաջողություններն ու նվաճումները: Եղեք առողջ ու երջանիկ, Ձեզ քաջ առողջություն, խաղաղություն, սեր և արևշատություն>>:

Քաղաքապետի անունից նրանց հանձնվեցին նաև դրամական պարգևներ:

Մեր պապերը հաղթանակ տոնեցին` ջախջախելով ֆաշիստական Գերմանիային: Եվ հենց այդ հաղթանակի շնորհիվ է, որ մենք այսօր գոյություն ունենք, ապրում ենք, և ինչպես նշել է խորհրդային մարշալ Ժուկովը <<Հայ մարտիկները`զինվորից մինչև մարշալ, իրենց ծածկել են քաջարի ռազմիկների անթառամ փառքով>>:

Աշտարակի քաղաքապետարան

Անշաբաթօրյակ Աշտարակ

– Վաղը համաքաղաքային շաբաթօրյակ է: Բոլորս մեկ մարդու նման մասնակցելու ենք այդ կարևոր միջոցառմանը…
Վաղու’ց մոռացված հայտարարություն է սա, որ արդեն մի քանի տարի է, Աշտարակում չի հնչում ու տարածվում: Խորհրդային իշխանության հետ միասին այն էլ է անցել պատմության գիրկը:
Հասկացանք, իշխանությունը` իշխանություն, բայց մեր սեփական խնդիրները դրանով չպակասեցին, չէ’: Մեր փողոցները, մեր այգիներն ու շենքերի շրջապատն իշխանության փոփոխվելով, ավելի մաքուր, քաղաքի կոմունալ տնտեսությունը ավելի հզոր ու կարող չդարձան: Բա մենք ինչու’ մոռացանք մեր քաղաքի մաքրության մասին հոգալ: Շատերը կհիշեն, որ ամեն առավոտ աշտարակցի տանտուրուհիները մաքրում ու կարգի էին բերում իրենց տների շրջակայքը: Հիմա դա էլ չես տեսնի: Թացը չորի հետ, լավը վատի հետ խառնվել է, ու չես ջոկում` ո’րն է ճիշտը…
-Շաբաթօրյակ չե’ք անի, ախր քաղաքը կեղտի ու ցելոֆանի մեջ կորած է,- հարցնում եմ քաղաքի մաքրության համար պատասխանատուներին:
-Դու Աշտարակից չե’ս,-զարմանում են նրանք: – Մի քանի տարի փորձեցինք: Մեր աշխատողները տների բակերն էին մաքրում, իսկ բնակիչներն իրենց պատուհաններից նայում ու ծիծաղում էին: Մեկը չեղավ, որ ներքև իջներ, օգներ, գոնե` խորհուրդ տար… Ծախսն էլ իր հերթին… Սրանից հետո էլ ի’նչ շաբաթօրյակ…
Ես պատասխան չունեմ սրան տալու: Կարծում եմ` ոչ մեկս էլ չունի…
Լավ, բա այսպես անպատասխան-անպատասխան էլ ամեն ինչ շարունակվելու է: Մեր բակերը, փողոցներն ու այգիները միշտ էլ ցելոֆանախե’ղդ են լինելու…
Հասկացանք, փող չկա` չկա, բայց մաքուր ապրելու ցանկությու’ն էլ չկա: Թե’ դա էլ Խորհրդային իշխանության հետ մեռավ…

                                                                                                                        Պ. Նազարյան

Անտերունչ շենքեր, անջինջ խարաններ

 Սեփականությունը լավ բան է: Եթե ունես, կարող ես հանգիստ վայելել ու քեզ լավ զգալ: Բայց դա էլի իրենն է ուզում. խնամել, նորոգել, տեր կանգնել… Ինչպես բոլորս ենք խնամում մեր տները:
Բայց, պարզվում է, ոմանք չեն էլ ցանկանում տեր կանգնել իրենց ունեցվածքին… Մեր քաղաքում դա ապացուցող փաստեր` ինչքան ուզեք…
Շրջեք Աշտարակի փողոցներով, անցեք երբեմնի շքեղ շենքերի, կառույցների, գործող արտադրամասերի կողքով: Լացդ կգա…
.. Նախկին տպարանի շենքը բոլորս էլ լավ գիտենք` Կարմրավոր եկեղեցու հարևանությամբ: Կարմրավորը կանգուն է 1000 տարուց էլ ավելի, իսկ երեկվա տպարանն այսօր անտեր քանդվում է… Ջարդված ապակիներ, տեղահան եղած դռներ ու լուսամուտներ, քարերն արդեն իրենց-իրենց, առանց որևէ մեկից օգնություն ստանալու` հոգնել ու թափվում են: Շենքն անտերությունից մեռնում է… Continue reading

Հետագա համագործակցության ակնկալիքով

Աշտարակի քաղաքապետարանը բնակավայրի հիմնախնդիրները լուծելու նպատակով անցած երկու տարում ակտիվ համագործակցություն է իրականացնում հանրապետությունում գործող մի շարք միջազգային կազմակերպությունների հետ:
ՄԱԿ-ի փախստականների հայաստանյան գրասենյակի օժանդակությամբ ՙՃանաչենք մեր բնօրրանը՚, ծրագրի և Հայկական ՙԿարմիր խաչ՚ ընկերությունների հետ համագործակցությամբ և համաֆինասավորմամբ հիմնականում ավարտվել են քաղաքի փողոցների ցուցատախտակների տեղադրման և շենքերի համարակալման աշխատանքները: Տասներկու հուշարձանների մոտ տեղադրվել են բացատրական տախտակներ, որոնցում տեղեկություններ են տրված այդ կոթողների մասին: Continue reading

Համայնքային քննարկում Աշտարակում

Եվրոպական միության, Միավորված Ազգերի Զարգացման Ծրագրի (ՄԱԶԾ)  աջակցությամբ և ՀՀ տարածքային կառավարման նախարարության (ՏԿՆ) հետ սերտ համագործակցությամբ Մարդկային զարգացման միջազգային կենտրոնը (ՄԶՄԿ) 2013թ. Հունիսի 17-ին Աշտարակ քաղաքում` «Մասնակցային, պատասխանատու և գենդերային հավասարության սկզբունքների վրա խարսխված կառավարման վերաբերյալ տեղական իշխանությունների կարողությունների ու գիտելիքների զարգացում» ծրագրի շրջանակներում, կազմակերպվել էր համայնքային քննարկում` Աշտարակ քաղաքի քառամյա ծրագրից առանձնացված 5 հիմնախնդիրների առաջնահերթության որոշման նպատակով:
Հանրության քննարկմանն էր ներկայացված ներքոհիշյալ հիմնախնդիրները`    Համատիրությունների հիմնում,  Երթևեկության անվտանգության բարելավում,գիշերային լուսավորության համակարգի ընդլայնում,  Փողոցներում աղբարկղերի տեղադրում և    Խաղահրապարակների կառուցում:
Համայնքային քննարկմանը մասնակցում էին համայնքի ակտիվ բնակչությունը, ավագանու անդամները,  ներկա էին նաև Աշտարակի քաղաքապետ Արմեն Անտոնյանը, ՄԱԿ-ի Զարգացման ծրագրի մշտական ներկայացուցիչ Բրեդլի Բուզետտոն, ծրագրի պատասխանատուներ: Քննարկման և քվեարկության արդյունքում 5 սցենարներից ընտրվեց խաղահրապարակների կառուցում տարբերակը, որտեղ մասնավորապես նշված է` Աշտարակ համայնքի բազմաբնակարան շենքերի բակերում չկան մանկական խաղահրապարակներ: Առանձին բակերում պահպանվել են խորհրդային ժամանակների կարուսելներ, որոնք խիստ մաշվել են և շահագործման համար դարձել չափազանց վտանգավոր: Ն. Աշտարակեցու անվան հրապարակին հարակից տարածքում «Ջինիշյան հիշատակի հիմնադրամի» միջոցներով կառուցվել է մանկական խաղահրապարակ, որը սակայն նույնպես չի ծառայում նպատակին: Բոլոր սահարաններն ու ճոճանակները կոտրված են: Տարածքն ավազով է լցված, որը երեկոյան ժամերին դառնում է թափառող շների սիրված հավաքատեղին, ինչի հետևանքով վատացել են սանիտարահիգիենիկ պայմանները: Խաղահրապարակների բացակայության պատճառով երեխաները իրենց ազատ ժամանակը նախընտրում են անցկացնել տանը, համակարգչի առջև ինչի արդյունքում միջանձնային շփումը զգալիորեն նվազում է, երեխաները սկսում են մեկուսանալ իրենց հասակակիցներից, հասարակության համար կենսական նշանակություն ունեցող սոցիալականացման, շփման գործընթացները կաղում են: Բակերում չկան կանաչապատ տարածքներ, որտեղ երեխաները, մեծահասակները, տարեցները կարող են խաղալ և անցկացնել իրենց ժամանակը:Աշտարակ համայնքի 2013թ. բյուջեում հնարավորություն է ստեղծվել մանկական համալիր՝ խաղահրապարակ և մարզադաշտ կառուցել բազմաբնակարան շենքերից մեկի բակում: Այդ նպատակով կհատկացվի շուրջ 5 մլն դրամ: Մանկական համալիրին հարակից տարածքներում կտեղադրվեն նստարաններ, որտեղ կկարողանան նստել և իրենց հանգիստը վայելել նաև մեծահասակները:
Ծրագրի իրագործման արդյունքում բակի և մերձակա թաղամասերի երեխաները կկարողանան ժամանցն ու հանգիստն անցկացնել խաղահրապարակում, ակտիվ խաղերը կնպաստեն երեխաների առողջությանն ու ֆիզիկական զարգացմանը, անմիջական շփումներին ու ակտիվ սոցիալականացմանը, դաստիարակությանը, միջանձնային շփման արդյունքում կամրապնդվի կապը հասակակիցների և տարբեր սերունդների ներկայացուցիչների՝ աշտարակցիների միջև:

Աշտարակն ու Կիրովսկը դարձել են քույր քաղաքներ

http://www.youtube.com/watch?feature=player_embedded&v=UNti0SxwlRk#!

Աշտարակն ու Կիրովսկը դարձել են քույր քաղաքներ վիդեո
11:56 . 14/06
Արագածոտնի մարզի Աշտարակն ու Ռուսաստանի Լենինգրադի մարզի Կիրովսկն այսուհետ քույր քաղաքներ են: Համապատասխան համաձայնագիրը Կիրովսկում հունիսի 9-ին ստորագրել են երկու քաղաքագլուխները:
Աշտարակի քաղաքապետ Արմեն Անտոնյանը եւ Արագածոտնի մարզպետ Սարգիս Սահակյանը Լենինգրադի մարզում էին հայազգի բարերար Հրաչյա Պողոսյանի նախաձեռնությամբ` Կիրովսկում կանգնեցված Պետրոս Առաջինի հուշարձանի բացմանը մասնակցելու նպատակով:
“Փորձում ենք ստեղծել կապեր, այնքանով, որքանով կարող ենք մեզ թույլ տալ մշակութային, տուրիստական, որը թույլ կտա հետագայում ավելի խորացնել, եթե կստացվի նաեւ մարզերի, քաղաքների միջեւ առեւտրական, ինչո՞ւ ոչ՝ նաեւ այլ կապեր:
Համաձայնագիրը հանդիսանում է Սանկտ Պետերբուրգում Արագածոտնի եւ Լենինգրադի մարզերի միջեւ 2011թ-ի հուլիսի 27-ին ստորագրված համագործակցության համաձայնագրի տրամաբանական շարունակությունը”,- ասաց Արմեն Անտոնյանը։

Մարզերի միջեւ համաձայնագրի ստորագրմանը հետեւել էր Լենինգրադի մարզպետի գլխավորած պատվիրակության այցը Արագածոտն՝ քննարկելու համագործակցության հնարավոր ուղղությունները: Սանկտ Պետերբուրգում Հայաստանի Գլխավոր հյուպատոս Վարդան Հակոբյանի խոսքով, դրանց թվում են ինչպես հումանիտար ուղղությունը, այնպես էլ առեւտրատնտեսական կապեր հաստատելու հեռանկարները:

Ի դեպ, չնայած պաշտոնապես ընդունված է “քույր քաղաքներ” ձեւակերպումը, սակայն Աշտարակի քաղաքապետը գերադասում է ասել. “Մեր քաղաքները եղբայրացան”:

Աղբյուր` Երկիր Մեդիա Continue reading

Աշտարակ քաղաքի մասին

Աշտարակը Հայաստանի Արագածոտնի մարզկենտրոնն է։ Գտնվում է Քասաղ գետի ափին, Երևանից 13 կմ հյուսիս-արևմուտք։ Այգեվետ բնակավայր է, ոռոգվում է հիմնականում Քասաղի ջրերով։ Խմելու ջուրն ստացվում է Սաղմոսավանի, Նազրևանի, Շորշորի աղբյուներից։Աշտարակում կան հայ արվեստի նշանավոր հուշարձաններ, իսկ բրոնզի և երկաթի դարերին վերաբերող նյութերն ապացուցում են նրա շատ հին բնակավայր լինելը։ Աշտարակը հայկական աղբյուրներում հիշատակվում է 9-րդ դարում։ Հնում մտնում էր Մեծ Հայքի Այրարատյան աշխարհի Արագածոտն գավառի մեջ։

Աշտարակ քաղաքը  Ընկած է Քասախ գետի ափին, ծովի մակերևույթից 1100մ բարձրության վրա, Արարատյան դաշտի և Արագածի լեռնազանգվածի կենտրոնում, Երևան մայրաքաղաքից 13կմ հյուսիս արևմուտք: Քաղաքով են անցնում դեպի Գյումրի և Վանաձոր տանող մայրուղիները: Բնակչությունը հաշվվում է շուրջ երեսուն հազար, բացառապես հայեր: Հստակորեն միմյանցից առանձնանում են Քասախի աջ ափին գտնվող բուն Աշտարակը, Մուղնի, Ձախ ափ, Գիտավան, Բագավան թաղամասերը: Քասախի գեղատեսիլ կիրճը ծառայում է որպես հանգստի գոտի: