Դեպի գիտելիքների մոլորակ

Մանկության մի հրաշալի մոլորակ է Աշտարակի ,,Հովիկ,,  մանկապարտեզը , որի առօրյան միշտ հագեցած է հեքիաթային միջոցառումներով , խաղ-պարապմունքներով ու զվարճություններով:

Այս տարի շուրջ 58 երեխաներ հրաժեշտ են տալիս իրենց մանկության գողտրիկ օրրանին և պատրաստվում են ուղևորվել դեպի գիտելիքների մոլորակ` դեպի դպրոց: Ավագ  ,,Ա,, և  ,,Բ,, խմբի երեխաները Հունիսի 26-ին  և հուլիսի 1-ին տեղի ունեցած հանդեսների ժամանակ  զարմացրեցին հյուրերին և ծնողներին իրենց գեղեցիկ երգ ու պարով, ասմունքով, բեմականացման մեջ իրենց կատարած դերերին համապատասխան ինտոնացիայով և կատարողականությամբ, բեմում իրենց պահելու կուլտուրայով: Ավարտական հանդեսին ներկա  էին Աշտարակի փոխքաղաքապետ Գ. Եղիազարյանը, քաղաքապետարանի աշխատակիցներ  հյուրեր ու ծնողներ:

Երեխաներին շնորհավորանքի խոսքեր ասացին մանկապարտեզի տնօրենը, դաստիարակչուհիներն ու ծնողները, ինչպես նաև փոխքաղաքապետը:

Ինչպես նշեցին նրանք, երեխաները լիարժեք պատրաստ են դպրոց գնալուն և յուրաքանչյուր դպրոց ուրախ կլինի և գրկաբաց կնդունի այդպիսի հրաշք մանուկներին:

Հովիկ՚ մանկապարտեզի ողջ կոլեկտիվը հուզմունքով բարի երթ է մաղթում իր սաներին ` ցանկանալով նրանց հաջողություներ դպրոցական ուսումնառության ողջ շրջանում:
Ա. Ժամակոչյան

Advertisements

Տեղի ունեցավ ,,Միսս և Միստր Արագածոտն,, գեղեցկության փառատոնը

Displaying IMG_4751.JPG

Հունիսի 18-ին ,,Վալենսիա,, հյուրանոցային   համալիրում տեղի ունեցավ ,,Միսս և միստր Արագածոտն,, գեղեցկության և նրբագեղության   մրցույթ փառատոնը:

15 տարի առաջ, սկսվելով ,,Աշտարակի ձոր,,-ի  կռունկի բեմից, 5 տարի անց  փառատոնը շարունակվեց ջրաշխարհում , իսկ 2010 թվականից փառատոնն անց է կացվում այստեղ: Այս տարիների ընթացքում նախորդ տարիների մասնակիցները պահապանում են կապը միմյանց հետ և նույնիսկ  ամուսնական զույգ են կազմել ու արդեն զավակ ունեն:

-Ես արդեն 15 տարի է սիրով կազմակերպում եմ այս փառատոնը, այն իմ կյանքի մի մասնիկն է, և մեծ բավականություն եմ ստանում, որ կարողանում եմ ուրախություն պատճառել մարդկանց: Իրականություն եմ դարձնում շատ փոքրիկների մանկության երազանքը, դարձնում նրանց արքայազններ և արքայադուստրեր.- մրցույթի մասին ոգևորությամբ է պատմում փառատոնի կազմակերպիչ  Նունե Մովսիսյանը:- Իմ դուստրը տարիներ առաջ նույնպես մասնակցել է այս փառատոնին, և այն ուրախությունը, որ ես եմ զգացել, ցանկանում եմ, որ մյուրս ծնողներն էլ զգան: Continue reading

Հասարակական քննարկումներ քաղաքապետարանում

Աշտարակի աղբավայրըՄեր քաղաքի առջև ներկայումս շատ կենսական հարցեր են ծառացած, որոնք շուտափույթ լուծման կարիք ունեն: Դրանք տարբեր պատճառներով անընդհատ հետաձգվում են:
Սակայն կան հրատապ հարցեր, որոնց լուծումն այսօր է անհրաժեշտ տալ:
Դրանցից մեկը քաղաքի աղբավայրի` բազում տարիներ չարչրկված խնդիրն է: Որպես քաղաքի աղբավայր տարիներ շարունակ շահագործվել է Սասունիկ համայնքի հարևանությամբ լքված նախկին քարհանքի տարածքը: Սասունիկ կամ Էջմիածին մեկնելիս,  բոլորս էլ, անխտիր, անցնում ենք դրա կողքով: Չխոսելով մեզ համակած այլ տհաճ զգացողությունների մասին, նշենք, որ դա քաղաքակիրթ աղբավայր համարելը պարզապես, տեղին չէ:
Հարցը բազմիցս քննարկվել է քաղաքապետարանում և տարբեր կազմակերպություններում: Աղբավայրը բնապահպանական կոպիտ խախտումներով շահագործելու համար քաղաքը տասնյակ միլիոնների հասնող տուգանքներ է վճարել:
Սակայն Աշտարակի բյուջեն հնարավորություն չունի պատշաճ տեսքի բերել աղբավայրը և ապահովել դրա օրինավոր շահագործումը:
Ներկայումս տարածաշրջանի մի քանի համայնքների համար նոր աղբավայր է կառուցվում` նախորդից հեռու, երթևեկելի ճանապարհներից ազատ տարածքում: Աշտարակի քաղաքապետարանին առաջարկվել է օգտվել այդ աղբավայրից` որոշակի վարձավճար մուծելով:Ահա այս հարցն է, որ տարբեր կարծիքներ է առաջացնում: Ոմանք գտնում են, որ վարձավճարը բավականին ծանր կնստի քաղաքի, առանց այն էլ աղքատ բյուջեի վրա: Մյուս մասի կարծիքն այն է, որ  անհրաժեշտ է դադարեցնել հին աղբավայրի շահագործումը,   հակառակ դեպքում, բնապահպանական տուգանքներն առավել մեծ կլինեն: Բացի այդ, անհրաժեշտ է Սասունիկը և մայրուղին ազատել նման տհաճ բեռից:
Հարցը վերջնականապես քննարկելու նպատակով օրերս քաղաքապետարանում կազմակերպվել էին լսումներ, որոնց մասնակցում էին ավագանու, քաղաքապետարանի անդամները, թաղապետերը, քաղաքացիներ:
Եղան տարբեր կարծիքներ, բերվեցին փաստարկներ: Որոշում կայացվեց ուսումնասիրել նոր աղբավայրի կազնակերպիչների պահանջները, որոնք ընդունելի լինելու դեպքում կսահմանվի հետագա գործողությունների կարգը:
Գիտակցելով հարցի կարևորությունը, ՙԱշտարակ՚ թերթը ցանկանում է հասարակության առավել լայն շերտերի քննարկմանը ներկայացնել խնդիրը:Մեր համաքաղաքացի ընթերցողներին հրավիրում ենք ներկայացնելու իրենց նկատառումներն այս կարևոր խնդրի շուրջ:

Փոքրիկ հայերի հանդեսը ,,Արևիկ,, մանկապարտեզում

Մայիսի 26 ին Աշտարակի Արևիկ մանկապարտեզում տեղի ունեցավ ավագ խմբի սաների հրաժեշտի հանդեսը: Դահլիճում հավաքվել էին ծնողներ, հյուրեր և մանկավարժներ: Նախադպրոցական տարիքի երեխաները` գեղեցիկ ու տոնական հագնված,  երգում, պարում ու արտասանում էին: Քանի որ հանդեսը կրում էր ,,փոքրիկ հայեր,, խորագիրը, երեխաները հիմնականում ներկայացան հայրենասիրական կատարումներով :  Նրանց ամեն խոսքին ու շարժումին հետևում էր իրենց սիրելի դաստիարակ Վարդիթեր Շահազիզյանը: Առաջին անգամ մանկապարտեզ հաճախելիս երեխաները զգացել էին դաստիարակի սերն ու նվիրվածությունը: Մանկապարտեզում  խաղերի օգնությամբ ու կոլեկտիվի աշխատանքի շնորհիվ,   շատ բան սովորած, արդեն  բավականին մեծացած, նրանք բռնելու են դպրոցի ճամփան: Դաստիարակչուհի ընկեր Վարդիթերը իր հրաժեշտի խոսքն ասաց երեխաներին , ցանկանալով նրանց հաջողություններ, պայծառ ապագա, խաղաղ երկինք ու կանաչ ճանապարհ: Երեխաներին շնորհավորեց նաև նախակրթարանի տնօրեն Զաբել Խոյեցյանը: Իսկ ծնողներն իրենց երախտագիտությունը հայտնեցին դաստիարակին, դաշնակահարուհի Ասյա Առաքելյանին և մանկապարտեզի մյուս աշխատակիցներին:  Փոքրիկ հայերին շնորհավորելու էին եկել նաև Աշտարակի Պ. Պռոշյանի անվան դպրոցի ուսուցիչներ` Հասմիկ Պարզյանն ու Գոհար Ավագյանը, նրանք իրենց դպրոցի կողմից մանկական գրքեր նվիրեցին երեխաներին:

Պ. Պռոշյանի անվան դպրոցում տեղի ունեցավ այբբենարանի հանդես

11350427_488768301281208_1088926803855586709_n

Մայիսի 19 –ը տոն էր Աշտարակի Պ. Պռոշյանի անվան թիվ 3   դպրոցի առաջին դասարանի աշակերտների համար: Տոնական տրամադրություն էր իշխում դպրոցի դահլիճում, որը գեղեցիկ ձևավորված էր ու զարդարված մեսրոպյան տառերով:  Առաջին դասարանի աշակերտները   ներկայանալու էին մի միջոցառմամբ, որ նվիրված էր Հայոց տառերին և ընկերությանը:  Դպրոցի սաներն իրենց  ելույթներով, զրնգուն ձայնով, երգով ու պարով բավականություն պատճառեցին բոլորին: Ցուցադրեցին փոքրիկ ներկայացումներ` նվիրված ընկերությանը: Երաժշտության ուսուցչուհի Ա. Շահազաիզյանը ևս ջանք չէին խնայել, որպեսզի այբբենարանի հանդեսն անցներ ավելի ուրախ ու հաճելի: Հանդեսի վերջում երեխաներին շնորհավորեց իրենց սիրելի դասվարը` Նաիրա Շաբոյանը: Continue reading

Հանդիպում ամերիկահայ գրող Հովսեփ Նալբանդյանի հետ

 Այսօր  Արագածոտնի մարզպետարանի նախաձեռնությամբ Աշտարակում էր հյուրընկալվել  ամերիկահայ գրող և մտավորական Հովսեփ Նալբանդյանը :  Նրան ուղեկցում էին բանաստեղծ , նկարիչ Արևշատ Ավագյանը, և ,,Դար,, հրատարակչության ղեկավար Վարդան Բաղդասարյանը: Գրողի հետ հանդիպումը կայացավ Աշտարակի Պ. Պռոշյանի անվան դպրոցում: Արագածոտնի փոխմարզպետ Նունե Մովսիսյանը ներկայացրեց Հովսեփ Նալբանդյանին , հաղորդեց տեղեկություններ նրա հրատարակած գրքերի մասին, և շնորհակալություն հայտնեց հանդիպման համար: Այնուհետև հեղինակը  պատմեց իր գրքերի , սփյուռքահայության, հայապահպանման խնդիրների մասին:   Նա մասնավորապես  անդրադաձավ սփյուռքում առկա խնդիրներին, ներկայացրեց սփյուռքահայության ուծացման վտանգի, հայոց լեզվի մոռացման, հայկական դպրոցների փրկության և պահպանման մասին իր մտահոգությունները: Continue reading

Անցկացվեց ,,Սպորտլանդիա 2015,,-ի մարզային փուլը

 Մշակույթի, սպորտի և երիտասարդության նախարարության կողմից ՀՀ մարզերում և  Արցախում ամեն տարի անցկացվում է մանկապատանեկան սպորտլանդիա` մանկապարտեզների և դպրոցների սաների մասնակցությամբ: 2015  Սպորտլանդիայի մարզային փուլը տեղի ունեցավ մայիսի 14-ին Աշտարակի Պ. Պռոշյանի անվան հիմնական դպրոցի սպորտդահլիճում: Սպորտլանդիային մասնակում էին մարզի եզրափակիչ փուլ անցած  5 մանկապարտեզի և 4 դպրոցի թիմերը:  Մանկապարտեզների մրցմանը մասնակցում էին Աշտարակի ,,Հովիկ,, , ,,Մանուշակ,, , Թալինի թիվ 2 , Թալինի թիվ 3  և Ապարանի թիվ 1 մանկապարտեզների թիմերը: Երեխաների սպորտային ունակությունները գնահատում էր ժյուրին` Արագածոտնի մարզպետարանի աշխատակազմի ղեկավար Հրաչյա Գևորգյանի գլխավորությամբ, կազմում ընդգրված էին   ՀՀ Սպորտի նախարաության աշխատակազմի մասսայական սպորտի բաժնի պետ Ս. Պռազյանը, նույն բաժնի գլխավոր մասնագետ Ս. Աբրահամյանը, Արագածոտնի մարզպետարանի  կրթության բաժնի մասնագետ Ս. Պետրոսյանը , Աշտարակի թիվ 3 հիմնական դպրոցի տնօրեն  Ս. Շուխյանը և Թալինի քաղաքապետարանի աշխատակազմի ղեկավար Լ. Գրիգորյանը: Continue reading

Աշտարակի երաժշտական դպրոցի սաները մրցանակներ են ստացել

Աշտարակի Արտեմի Այվազյանի անվան երաժշտական դպրոցի սաները հաճախ են մասնակցում հանրապետական  մի շարք  մրցույթների և ունենեում լուրջ հաջողություններ և այդ ամենը դպրոցի աշխատակազմի հոգատար ու հետևողական ջանքերի շնորհիվ: Դպրոցի տնօրեն Երանուհի Չալաբյանն է պատմում վերջին ամիսներին ստացած մրցանակների մասին:

 

-Արդեն 8-րդ անգամ Հայաստանում  անցկացվեց ,,Երգող Հայաստան,, մանկապատանեկան երգչախմբերի մրցույթ փառատոնը, որը կազմակերպվում է  ,, Հայաստանի փոքրիկ երգիչներ,, ասոցիացիայի և ՀՀ մշակույթի նախարարության աջակցությամբ: Աշտարակի Ա. Այվազյանի անվան երեժշտական դպրոցի  երգչախումբը այս տարի առաջին անգամ մասնակցեց այդ մրցույթին, որը տեղի ունեցավ 3 փուլով: Մեր երգչախումբը, որի խմբավարն է Սաթենիկ Նալբանդյանը ,  կազմավորվել է 2011 թվականից:  Մրցույթին երգչախումբը ներկայացավ 4 երգով ` երկուսը պարտադիր, որոնք նվիրված էին եղեռնի 100 ամյակին, և երկու երգ` ըստ ցանկության: Առաջին երկու փուլերն անցնելուց հետո, երգչախումբն ստացավ գալահամերգի  մասնակցության հրավեր: Մայիսի երեքին տեղի ունեցավ գալահամերգը Երևանի օպերայի և բալետի թատրոնի շենքում և մեր 30 հոգանոց, 8-10 տարիքային Ա խմբի երգչախմբին շնորհվեց երկրորդ մրցանակը ` պատվոգիր, հուշանվեր  և խրախուսական մրցանակ գումարի տեսքով: Continue reading