Արագածոտնի մարզային գրադարանում նշվեց Կանանց և մայրության տոնը

gras Արագածոտնի մարզային գրադարանում գեղեցիկ ու բարի միջոցառումներ հաճախ են կազմակերպվում:  Հերթական միջոցառումը նվիրված էր կանանց և մայրերին: Գրադարանի աշխատակիցների ջանքերով ցերեկույթն անցավ շատ գարնանային, հուզիչ  ու սրտամոտ մթնոլորտում: Հնչեցին Գարնանը, մայրերին ու կանանց  նվիրված բանաստեղծություններ, շնորհավորանքի խոսքեր:

Նոր տեխնոլոգիների շնորհիվ, գրադարանի աշխատակցուհիները  ջերմ գնահատանքի խոսքեր ու շնորհավորհանքներ ստացան նաև արտերկրում  և Հայաստանում ապրող իրենց հարազատներից ու մտերիմներից, ինչն ի դեպ անակնկալ էր նրանց համար: Գրադարանի անձնակազմին և հյուրերին ողջունեց նաև տնօրեն Լ. Կիրակոսյանը: Այնուհետև մտերմիկ զրույցը շարունակվեց սուրճի և քաղցրեղենի սեղանի շուրջ:

17838698_812811462210222_1175497914_o

Ազգային խոհանոցի, կենցաղի ու արվեստի փառատոն Արագածոտնի մարզում

Էրգրի համըՀոկտեմբերի 17-ին Արագածոտնի մարզի Նոր Արթիկ համայնքում <<Աշտարակի տարածաշրջանի կանանց ասոցիացիա>> հասարակական կազմակերպությունը 3րդ տարին անընդմեջ իրականացրեց <<Էրգրի համի հիշողություն>> ազգային ավանդական ուտեստների փառատոնը:
Ծրագրի նպատակն էր` նպաստել ազգային ճաշատեսակների պահպանմանը, բնական, էկոլոգիապես մաքուր սննդի ` հատկապես բուսական,կաթնային հիմքով, օգտագործման կարևորության գաղափարի տարածմանը: Բարձրացնել հասարակության տեղեկացվածությունը ավանդական խոհանոցում մթերքների մշակման, պահպանման, համեմունքների համադրությունների, կերակրատեսակների պատրաստման, դրանց տոնածիսական նշանակության վերաբերյալ:
Նպաստել հայ ազգային ավանդական մշակույթի պահպանմանն ու տարածմանը ,այդ գործում ներառելով հատկապես երիտասարդ սերնդին: 

Փառատոնին մարզի 12 համայնքներ ներկայացրել էին հայ ավանդական ուտեստների,չրեղենի,քաղցրավենիքի,թեյերի,մրգերի,հյութերի տեսականի:Ներկայացված ուտեստները գնահատվեցին ըստ հետևյալ անվանակարգերի՝հարուստ տեսականի,ուտեստների լավագույն ձևավորում,ժողովրդական հմտությունների և գիտելիքների փոխանցում,ազգային ավանդական սիրված կերակուր,ստեղծագործական մոտեցում,ամենահամեղ կերակուր,կերակուրի պատրաստման վարպետաց դաս,հյուրընկալ մոտեցում,սեղանի ավանդական ձևավորում,ծիսական կերակրի արարողակարգ,լավագույն կենաց,լավաշի պատրաստման և նշանակության լավագույն մեկնաբանում:

Հայ ազգային ավանդական մշակույթի պահպանման տարածման և կենցաղում դրանց կիրառման նպատակով ներկայացվեցին
ազգային ավանդական խաղերի կարևորությունը և երեխաների շրջանակներում իրականացվեցին ազգային խաղերի անցկացում
<<Տերյան>>մշակութային կենտրոնի կողմից հայկական տարզների ցուցադրում և մեկնաբանում:
<<Տոնացույց>>ավանդական մշակութային կենտրոնը բեմականացրեց ազգային ծիսական արարողակարգեր,խաղեր:
Նոր Արթիկի միջնակարգ դպորցիՆերքին Սասնաշենի <<Անդոկ>>,Ներքին Բազմաբերդի <<Գորանի>>, Ոսկեվազի մշակույթի տների և Բյուրականի <<Տոնացույց >> համույթները հանդես եկան հայ ազգային ավանդական պարերով և երգերով:
<<Էրգրի համի հիշողություն>> ազգային ավանդական ուտեստների փառատոնը կայացավ ՀՀ մշակույթի նախարարության աջակցությամբ:

Էրգրի համի հիշողությունը  Տեսանյութը կարող եք դիտել Առաջին լրատվականի եթերում
                                                               Նարեկ Բոցինյան

Նոր գրքի շնորհանդես

ԱնուլԱշտարակ քաղաքի Արտեմի Այվազյանի անվան երաժշտական դպրոցում կայացավ ,,Արագածոտն,, գրական մշակութային միավորման անդամ Արտավազդ Նազարյանի ,,Մասնատուփ,, գրքի շնորհանդեսը: Գիրքն ամփոփում է հեղինակի տարբեր տարիների ստեղծած բանաստեղծական շարքերը, որոնք ժամանակաից մարդու խոհերի ու զգացումների գեղարվեստական արտացոլումներ են և աչքի են ըմկնում ասելիքի խորությամբ, բանաստեղծական ձևերի բազմազանությամբ ու լեզվա-ոճական արտահայտչամիջոցների հարստությամբ:

Բանաստեղծի ստեղծագործություններն իրենց ելույթներում արժևորեցին ՀՀ Գրողների միության նախագահ, բանաստեղծ Էդվարդ Միլիտոնյանը, գրականագետ Երվանդ Տեր-Խաչատրյանը, գրքի առաջաբանի հեղինակ, բանաստեղծ Ղուկաս Սիրունյանը, ,, Արագածոտն,, գրական-մշակութային միության նախագահ, բանաստեղծ և նկարիչ Արևշատ Ավագյանը, Բանաստեղծ Վրեժ Սարուխանյանը և ուրիշներ:

Հեղինակին գրքի լույսընծայման առթիվ շնորհավորեցին Արագածոտնի փոխմարզպետ Նունե Մովսիսյանը, Աշտարակի քաղաքապետ Արմեն Անտոնյանը: Հեղինակի բանաստեղծությունների ընթերցմամբ հանդես եկան դերասան Սամվել Միքայելյանը, այլ ասմունքողներ: Հնչեցին նաև  երաժշտական  համարներ` երաժշտական դպրոցի սաների կատարմամբ:

Վերջում շնորհակալական խոսքով հանդես եկավ Արտավազդ Նազարյանը:

Դեպի գիտելիքների մոլորակ

Մանկության մի հրաշալի մոլորակ է Աշտարակի ,,Հովիկ,,  մանկապարտեզը , որի առօրյան միշտ հագեցած է հեքիաթային միջոցառումներով , խաղ-պարապմունքներով ու զվարճություններով:

Այս տարի շուրջ 58 երեխաներ հրաժեշտ են տալիս իրենց մանկության գողտրիկ օրրանին և պատրաստվում են ուղևորվել դեպի գիտելիքների մոլորակ` դեպի դպրոց: Ավագ  ,,Ա,, և  ,,Բ,, խմբի երեխաները Հունիսի 26-ին  և հուլիսի 1-ին տեղի ունեցած հանդեսների ժամանակ  զարմացրեցին հյուրերին և ծնողներին իրենց գեղեցիկ երգ ու պարով, ասմունքով, բեմականացման մեջ իրենց կատարած դերերին համապատասխան ինտոնացիայով և կատարողականությամբ, բեմում իրենց պահելու կուլտուրայով: Ավարտական հանդեսին ներկա  էին Աշտարակի փոխքաղաքապետ Գ. Եղիազարյանը, քաղաքապետարանի աշխատակիցներ  հյուրեր ու ծնողներ:

Երեխաներին շնորհավորանքի խոսքեր ասացին մանկապարտեզի տնօրենը, դաստիարակչուհիներն ու ծնողները, ինչպես նաև փոխքաղաքապետը:

Ինչպես նշեցին նրանք, երեխաները լիարժեք պատրաստ են դպրոց գնալուն և յուրաքանչյուր դպրոց ուրախ կլինի և գրկաբաց կնդունի այդպիսի հրաշք մանուկներին:

Հովիկ՚ մանկապարտեզի ողջ կոլեկտիվը հուզմունքով բարի երթ է մաղթում իր սաներին ` ցանկանալով նրանց հաջողություներ դպրոցական ուսումնառության ողջ շրջանում:
Ա. Ժամակոչյան

Տեղի ունեցավ ,,Միսս և Միստր Արագածոտն,, գեղեցկության փառատոնը

Displaying IMG_4751.JPG

Հունիսի 18-ին ,,Վալենսիա,, հյուրանոցային   համալիրում տեղի ունեցավ ,,Միսս և միստր Արագածոտն,, գեղեցկության և նրբագեղության   մրցույթ փառատոնը:

15 տարի առաջ, սկսվելով ,,Աշտարակի ձոր,,-ի  կռունկի բեմից, 5 տարի անց  փառատոնը շարունակվեց ջրաշխարհում , իսկ 2010 թվականից փառատոնն անց է կացվում այստեղ: Այս տարիների ընթացքում նախորդ տարիների մասնակիցները պահապանում են կապը միմյանց հետ և նույնիսկ  ամուսնական զույգ են կազմել ու արդեն զավակ ունեն:

-Ես արդեն 15 տարի է սիրով կազմակերպում եմ այս փառատոնը, այն իմ կյանքի մի մասնիկն է, և մեծ բավականություն եմ ստանում, որ կարողանում եմ ուրախություն պատճառել մարդկանց: Իրականություն եմ դարձնում շատ փոքրիկների մանկության երազանքը, դարձնում նրանց արքայազններ և արքայադուստրեր.- մրցույթի մասին ոգևորությամբ է պատմում փառատոնի կազմակերպիչ  Նունե Մովսիսյանը:- Իմ դուստրը տարիներ առաջ նույնպես մասնակցել է այս փառատոնին, և այն ուրախությունը, որ ես եմ զգացել, ցանկանում եմ, որ մյուրս ծնողներն էլ զգան: Continue reading

Հանդիպում ամերիկահայ գրող Հովսեփ Նալբանդյանի հետ

 Այսօր  Արագածոտնի մարզպետարանի նախաձեռնությամբ Աշտարակում էր հյուրընկալվել  ամերիկահայ գրող և մտավորական Հովսեփ Նալբանդյանը :  Նրան ուղեկցում էին բանաստեղծ , նկարիչ Արևշատ Ավագյանը, և ,,Դար,, հրատարակչության ղեկավար Վարդան Բաղդասարյանը: Գրողի հետ հանդիպումը կայացավ Աշտարակի Պ. Պռոշյանի անվան դպրոցում: Արագածոտնի փոխմարզպետ Նունե Մովսիսյանը ներկայացրեց Հովսեփ Նալբանդյանին , հաղորդեց տեղեկություններ նրա հրատարակած գրքերի մասին, և շնորհակալություն հայտնեց հանդիպման համար: Այնուհետև հեղինակը  պատմեց իր գրքերի , սփյուռքահայության, հայապահպանման խնդիրների մասին:   Նա մասնավորապես  անդրադաձավ սփյուռքում առկա խնդիրներին, ներկայացրեց սփյուռքահայության ուծացման վտանգի, հայոց լեզվի մոռացման, հայկական դպրոցների փրկության և պահպանման մասին իր մտահոգությունները: Continue reading

Անցկացվեց ,,Սպորտլանդիա 2015,,-ի մարզային փուլը

 Մշակույթի, սպորտի և երիտասարդության նախարարության կողմից ՀՀ մարզերում և  Արցախում ամեն տարի անցկացվում է մանկապատանեկան սպորտլանդիա` մանկապարտեզների և դպրոցների սաների մասնակցությամբ: 2015  Սպորտլանդիայի մարզային փուլը տեղի ունեցավ մայիսի 14-ին Աշտարակի Պ. Պռոշյանի անվան հիմնական դպրոցի սպորտդահլիճում: Սպորտլանդիային մասնակում էին մարզի եզրափակիչ փուլ անցած  5 մանկապարտեզի և 4 դպրոցի թիմերը:  Մանկապարտեզների մրցմանը մասնակցում էին Աշտարակի ,,Հովիկ,, , ,,Մանուշակ,, , Թալինի թիվ 2 , Թալինի թիվ 3  և Ապարանի թիվ 1 մանկապարտեզների թիմերը: Երեխաների սպորտային ունակությունները գնահատում էր ժյուրին` Արագածոտնի մարզպետարանի աշխատակազմի ղեկավար Հրաչյա Գևորգյանի գլխավորությամբ, կազմում ընդգրված էին   ՀՀ Սպորտի նախարաության աշխատակազմի մասսայական սպորտի բաժնի պետ Ս. Պռազյանը, նույն բաժնի գլխավոր մասնագետ Ս. Աբրահամյանը, Արագածոտնի մարզպետարանի  կրթության բաժնի մասնագետ Ս. Պետրոսյանը , Աշտարակի թիվ 3 հիմնական դպրոցի տնօրեն  Ս. Շուխյանը և Թալինի քաղաքապետարանի աշխատակազմի ղեկավար Լ. Գրիգորյանը: Continue reading

Աշտարակի երաժշտական դպրոցի սաները մրցանակներ են ստացել

Աշտարակի Արտեմի Այվազյանի անվան երաժշտական դպրոցի սաները հաճախ են մասնակցում հանրապետական  մի շարք  մրցույթների և ունենեում լուրջ հաջողություններ և այդ ամենը դպրոցի աշխատակազմի հոգատար ու հետևողական ջանքերի շնորհիվ: Դպրոցի տնօրեն Երանուհի Չալաբյանն է պատմում վերջին ամիսներին ստացած մրցանակների մասին:

 

-Արդեն 8-րդ անգամ Հայաստանում  անցկացվեց ,,Երգող Հայաստան,, մանկապատանեկան երգչախմբերի մրցույթ փառատոնը, որը կազմակերպվում է  ,, Հայաստանի փոքրիկ երգիչներ,, ասոցիացիայի և ՀՀ մշակույթի նախարարության աջակցությամբ: Աշտարակի Ա. Այվազյանի անվան երեժշտական դպրոցի  երգչախումբը այս տարի առաջին անգամ մասնակցեց այդ մրցույթին, որը տեղի ունեցավ 3 փուլով: Մեր երգչախումբը, որի խմբավարն է Սաթենիկ Նալբանդյանը ,  կազմավորվել է 2011 թվականից:  Մրցույթին երգչախումբը ներկայացավ 4 երգով ` երկուսը պարտադիր, որոնք նվիրված էին եղեռնի 100 ամյակին, և երկու երգ` ըստ ցանկության: Առաջին երկու փուլերն անցնելուց հետո, երգչախումբն ստացավ գալահամերգի  մասնակցության հրավեր: Մայիսի երեքին տեղի ունեցավ գալահամերգը Երևանի օպերայի և բալետի թատրոնի շենքում և մեր 30 հոգանոց, 8-10 տարիքային Ա խմբի երգչախմբին շնորհվեց երկրորդ մրցանակը ` պատվոգիր, հուշանվեր  և խրախուսական մրցանակ գումարի տեսքով: Continue reading